Hüquqi yardım

Torpağın təyinatının dəyişdirilməsi
10 Mar

Torpağın təyinatının dəyişdirilməsi

Torpağın təyinatının dəyişdirilməsi

Torpağın təyinatının dəyişdirilməsi qaydaları.

Azərbaycan respublikasinin torpaq məcəlləsinin 9.2-ci maddəsində əsasən məqsədli təyinatina və hüquqi rejiminə uyğun olaraq, Azərbaycan Respublikasinin torpaqlari aşağidaki (7) kateqoriyalara bölünür:
 

  • kənd təsərrüfatı təyinatlı torpaqlar;
  • yaşayış məntəqələrinin (şəhərlərin, qəsəbələrin və kənd yaşayış məntəqələrinin) torpaqları;
  • sənaye, nəqliyyat, rabitə, müdafiə və digər təyinatlı torpaqlar;
  • xüsusi qorunan ərazilərin torpaqları;
  • meşə fondu torpaqları;
  • su fondu torpaqları;
  • ehtiyat fondu torpaqları.

 

Torpaq Məcəlləsinin tələblərinə əsasən, hər bir kateqoriyalı torpaqlar özünün təyinatına uyğun şəkildə istifadə olunmalıdır. Torpaqların bir kateqoriyadan digər kateqoriyaya keçirilməsinə zərurət yarandığı halda bununla bağlı aidiyyəti qurumlar tərəfindən razılaşdırılmış layihələr hazırlanmalı, bu sənədlər yerli və mərkəzi icra hakimiyyəti orqanları tərəfindən yoxlanılmalı və sonda baxılmaq üçün Əmlak Məsələləri Dövlət Komitəsinə təqdim olunmalıdır. Komitədə sənədlərə baxıldıqdan sonra torpağın təyinatının dəyişdirilməsinə dair sərəncam layihəsi ilə birlikdə Nazirlər Kabinetinə təqdim edilir. Torpaqların kateqoriyasının dəyişdirilməsinə yalnız Nazirlər Kabinetinin müvafiq qərarı olduqdan sonra yol verilə bilər. Digər hallarda torpaqların bir kateqoriyadan digər kateqoriyaya keçirilməsi qanunsuz sayılır.


Torpaqların təyinatının hansı hallarda dəyişdiriləcəyi isə, konkret amillərlə əsaslandırılmalıdır. Belə ki, torpaqların təyinatını dəyişmək ehtiyacı hər hansı dövlət əhəmiyyətli layihələr və ya sifarişlər həyata keçirilərkən, torpağın təyinatı üzrə istifadəsi səmərəsiz olduğu hallarda, subasma, çökmə, sürüşmə, şoranlaşma və digər təbiət hadisələri nəticəsində torpağın strukturu, habelə keyfiyyət göstəriciləri dəyişdikdə və ya yararsız hala düşdükdə yarana bilər.

 

Bu halda torpağın qanuni istifadəçisi olan fiziki və hüquqi şəxslər, yerli icra hakimiyyəti orqanları həmin torpaq sahəsinin təyinatının dəyişdirilməsi ilə bağlı aidiyyəti üzrə vəsatət qaldıra bilər. Rəsmi qaydada müraciət daxil olduqdan sonra yuxarıda göstərilən tələblər əsasında torpağın təyinatının dəyişdirilməsi posesinə başlanıla bilər. Yəni bütün hallarda torpaqların kateqoriyalara aid edilməsi və onların bir kateqoriyadan digərinə keçirilməsi müəyyən edilmiş qaydada müvafiq icra hakimiyyəti orqanı, yəni Nazirlər Kabineti tərəfindən həyata keçirilir.

 

Dövlət və ictimai ehtiyaclar üçün torpaqların məqsədli təyinatı və kateqoriyasının dəyişdirilməsi zərurəti yarandıqda torpağın yerləşdiyi ərazi üzrə yerli icra hakimiyyəti Nazirlər Kabineti qarşısında vəsatət qaldırır. Nazirlər Kabinetinin tapşırığı ilə aidiyyəti mərkəzi icra hakimiyyəti orqanlarının məsələyə rəyi verildikdən sonra, sifarişçi tərəfindən sənədlər Əmlak Məsələləri Dövlət Komitəsinə təqdim olunur. Əmlak Məsələləri Dövlət Komitəsi yanında Torpaqların Dövlət İdarəetməsinin Təşkili üzrə Dövlət Agentliyi tərəfindən sənədlərin düzgün hazırlanması və rəylərin verilməsi bir daha araşdırılır. Əgər sənədlər qanuna müvafiq qayda və tələblər əsasında hazırlanıbsa, torpağın bir kateqoriyadan digərinə keçirilməsi ilə bağlı sərəncam verilməsi üçün Nazirlər Kabinetinə təqdim olunur. Hökumətin qərarı veriləndən sonra torpaq sahəsindən qərarda qeyd olunan təyinat üzrə istifadəyə icazə verilir.

#Torpqa məcəlləsi # vekil nomreleri # vekil axtariram # vekil # hüquqşünas # vekil telefon nomreleri # vekillerin telefon nomreleri # huquqi yardim # huquq mesleheti # hüquqşünaslıq # vəkil

Şərhlər

  • Murtuz 2022-06-01 00:55:12

    Salam, əgər torpaq sahəsi yaşayış təyinatlıdır, mən orada sahibkarlıq üçün dükan aça bilərəm? Yoxsa bunun üçündə nazirlər kabinetinə müraciət etmək lazımdır?

    Salam Murtuz müllim.Yaşayış məntəqələri təyinatlı torpağın üzərində sənayə və ya ictimai-iaşə təyinatlı obyekt tikmək qadağandır. Torpaq sahəsinin üzərində obyekt tikmək üçün onun təyinatı dəyişdirilməlidir. Vəkil Qulam İsmayılzadə
  • Svetlana 2022-06-26 22:16:12

    Salam kənd təsərrüfatı torpağımız 4 tərəfində ev tikilib. Biz tikmək istəyəndə icra icazə vermədi, həddindən çox pul istədi. Hər tərəfində ev olmağı təyinatın dəyişməsi üçün əsas ola bilər? Yaxud məhkəmə bu işi həll edə bilər?.

    Təssüf ki bu çox tez-tez rast gələn haldır. Bunun üçün siz ilk növbədə məqalədə nəzərdə tutulmuş qaydada müvafiq orqanlara müraciət edəsiniz. Təbii ki, qanunvericilik birbaşa məhkəməyə də müraciət etməyə heç bir məhdudiyyət qoymur, lakin praktikada bu məsələnin məhkəmə müstəvisində həll edilməsinə çox nadir halda rast gəlinir. Vəkil Qulam İsmayılzadə
  • Malik Məmmədov 2022-07-12 10:03:36

    Salam, kənd təsərrüfatı torpaq sahəsində hansı obyektlər tikilə bilər? Təyinatın dəyişdirilməsi təcrübəyə görə nə gedər vaxt alır?

    1) Azərbaycan Respublikasının Torpaq Məcəlləsinə əsasən: Kənd təsərrüfatı təyinatlı torpaqlarda kənd təsərrüfatının səmərəli təşkil edilməsi üçün vacib olan müvafiq ekoloji və texniki tələblərə uyğun kommunikasiyalar, müvəqqəti tikililər və qurğular quraşdırmaq olar. Yəni söhbət yalnız müvəqqəti tikililərdən gedir, daş və kərpiclə hörmək olmaz.2) Təssüf ki, torpağın təyinatının dəyişdirilməsi qanunvericilikdə nəzərdə tutulsa da praktikada çox çətin həll olunan məsələdir. Yani bunun üçün siz Yerli icra hakimiyyətindən, Kənd-Təsərüfat Nazirliyindən, Ekologiya Nazirliyindən və s. müvafiq razılıqlar almalısınız həmin razılıqların da alınması çox mürəkkəb məsələdir. Vəkil Qulam İsmayılzadə
  • YAGUT MAMMADOVA 2022-08-14 12:27:34

    Salam.Ev tikmək üçün torpaq aldım.Yaşayış evləri arasənda, dörd tərəfdən hasarlanmış bu torpaq sahəsi sahibkarlıq təyinatlıdır.Mən həyətyanı təyinatlı etmək üçün ilk növbədə hara müraciət etməliyəm.

    Salam. Sahibkarlıq təyinatlı torpaq olmur, yagin sənaye təyinatlı demək istəmisiniz. Torpaq sahəsinin təyinatının dəyişməsi çox müşkül məsələdir. Onun üçün siz ilk növbədə yerli icra hakimiyyətinə yazılı ərizə verəsiniz sonra ordan rəy alıb bir neçə digər qurumlara müraciət edəsiniz. Yekunda da bu barədə Nazirlər Kabineti qərar verməlidir. Vəkil Qulam İsmayılzadə
  • ELMƏDDİN 2022-08-17 16:08:03

    salam men saray qesebesinde serancamla ev tikmisem kend teserufatli torpaqda kupca ala bilmire icra hakimyeti serancam verib 2mertebeli evi tikmek ucun her terefde evlerdi tyinati nece deyismek olar

    Bunun üçün siz ilk növbədə yerli icra hakimiyyətinə yazılı ərizə verməlisiniz sonra ordan rəy alıb bir neçə digər qurumlara müraciət etməlisiniz. Yekunda torpağın təyinatının dəyişdirilməsi haqqında = Nazirlər Kabineti verir. Vəkil Qulam İsmayılzadə
  • Gülay 2022-08-18 02:38:25

    Salam Sovyet döneminde mene bağçılıq üçün torpaq sahesi verilmişdi. Hemin torpaqda 1997-1998de ev tiktik ve yaşayırıq. Elimizde sadece bağçılıq üçün verilmiş sened var. bütün komunikasiyalar var ve her il torpağ vergisi ödeyirik. Bu torpaq üçün senedleştirme işlerini başlatmaq üçün ne etmeliyik? Hansı instansiyalara müraciet etmeliyik? Dövlet bu cür tikililerin qanunşaştıracağını söylemişdi iller önce, ama helede bir ilerleyiş olmadı. Birde bu gün xeber çıxdı ki kend teserrüfatı teyinatlı ev tikenlerin cerimelenmesi başlatıldı, bunun menim kimi bağçılıq toprağında ev tikib yaşayanlara aidiyatı var mı , varsa cerimeden sonra ne tebliq edilecek ? Bu cür Torpağın kategoriyasının değiştirilmesi ile elaqeli bir bilgi var mı Önceden teşekkür edirem cavabınız üçün.

    Salam. Daşınmaz Əmlakın Dövlət Reyestri Xidmətinə müraciət edərək ilk öncə torpaq sahəsini özəlləşdirməlisiniz. Daha sonra torpağın üzərində mövcud tikilinin özəlləşdirilməsi ilə bağlı eyni quruma müraciət edə bilərsiniz. Müraciət edən zaman təqdim olunmalı sənədlərin siyahısı Daşınmaz Əmlakın Dövlət Reyestri Xidmətin saytında göstərilmişdir. Sizin torpağın təyinatı kənd təsərrüfatı deyil bağçılıq üçün ayrılmış torpaqdır hansı ki yaşayış məntəqələrinin torpaqlarına aid edilir. Vəkil Qulam İsmayılzadə
  • Vuqar Sariyev 2022-08-23 12:43:20

    Salam. Menim torpagim ferdi yasayis sahesi ucun. Orda obyekt tikmek isteyirem. Teyinati deyisme ne qeder vaxt alir. Siz komek ede bilersiniz mi ?

    Bunun üçün siz ilk növbədə yerli icra hakimiyyətinə yazılı ərizə verməlisiniz sonra ordan rəy alıb bir neçə digər qurumlara müraciət etməlisiniz. Yekunda torpağın təyinatının dəyişdirilməsi haqqında Nazirlər Kabineti verir. Vəkil Qulam İsmayılzadə
  • Sevinc İmaməliyeva 2022-08-25 02:04:25

    Salam. İsmayıllının kəndində təyinatı əkin yazılmış sənədli torpagımda nə cür ev tikə bilərəm.Mənə ancaq taxta ev tikmək olar deyildi.Bu düzdürmü?Dəmir karkas ev tikmək olar?Təyinatı dəyişmək olar? Öncədən təşəkkürlər.

    Salam. Kənd təsərüffatı təyinatlı torpaqlarda ev tikmək olmaz. Azərbaycan Respublikasının Torpaq Məcəlləsinin 13-cü maddəsində qeyd edilir : Kənd təsərrüfatı təyinatlı torpaqlarda kənd təsərrüfatının səmərəli təşkil edilməsi üçün vacib olan müvafiq ekoloji və texniki tələblərə uyğun kommunikasiyalar, müvəqqəti tikililər və qurğular quraşdırmaq olar. Vəkil Qulam İsmayılzadə
  • Zaki 2022-08-30 10:46:06

    Salam. Örüş torpağa buğda, arpa əkmək olar?

    Salam.Örüş torpaqları mal-qara otarılması üçün nəzərdə tutulmuşdur. Vəkil Qulam İsmayılzadə
  • Cavid 2022-08-30 18:54:56

    Salam, çıxarış verilib torpağa təyinatı digər, xüsusi mülkiyyət və üzərində yarım tikiliyə qeyri yaşayış. İndi yarım tikili sökülüb torpağı almaq istəyirəm. Bu halda yeni alınacaq çıxarışda torpağın təyinatı digər qalacaq ? Və Təyinatı digər göstərilən torpaq sahəsi nə üçün istifadə oluna bilər ? Öncədən təşəkkürlər !

    Salam. Torpağın alqı-satqısı onun təyinatının dəyişdirilməsi üçün əsas deyil. Qanunvericilikdə "digər təyinatlı" dedikdə digər istehsal və xidmət obyektlərinin yerləşdirilməsi üçün torpaqlar nəzərdə tutulur. Belə ki, "Sənaye, nəqliyyat, rabitə və digər təyinatlı torpaqların istifadəsi" Qaydalarının 2-ci bəndindıə qeyd edilir: Sənaye, rabitə, nəqliyyat, ticarət, ictimai iaşə və digər istehsal və xidmət obyektlərinin yerləşdirilməsi (tikinti, yenidənqurma, genişləndirmə işlərinin aparılması) və fəaliyyəti üçün qanunvericiliklə müəyyən edilmiş qaydada ayrılan və əldə edilən torpaq sahələri sənaye, nəqliyyat, rabitə və digər təyinatlı torpaqlar sayılır. Vəkil Qulam İsmayılzadə
  • Müşviq Novruzov 2022-09-03 17:54:51

    Salam zəhmət olmasa cavab yazarsız mənim adıma 30 sot pay torpağım var inkşaf fonduna pitşikdi yani sahəmə bitşik evlər var qaz çəklib işğ və su var sadəcə bilmək isdəyrəm mən orda necə ev tikə bilərəm qanunən ?

    Salam. Torpağın təyinatın nədir? Vəkil Qulam İsmayılzadə
  • Samir Bayramov. 2022-09-10 20:47:04

    Salam. Torpağın sənədi "sənaye təyinatlı" çıxarışdır. Mən ev tikə bilərəm?

    Salam. Torpaq Məcəlləsi maddə 22 : Sənaye, rabitə, nəqliyyat, ticarət, ictimai-iaşə və digər istehsal və xidmət obyektlərinin yerləşdirilməsi və fəaliyyəti üçün qanunvericiliklə müəyyən edilmiş qaydada, ayrılan və əldə edilən torpaq sahələri sənaye, nəqliyyat, rabitə və digər təyinatlı torpaqlar sayılır. Maddədən göründüyü kimi sənayə təyinatlı torpaqda yalnız sənayə obyektlərinin tikintisi nəzərdə tutulur. Qanunla tikə bilmərsiniz, amma fikrimcə praktikada tikənlər olur. Vəkil Qulam İsmayılzadə
  • Müşviq 2022-09-12 21:04:02

    Torpağın təynatı əkin üçündür sahədi ancağ ətrafında evlər var kəndyerdi təynat dəyişmək mümkündü zəhmət olmasa

    Salam. Teoretik olaraq dəyişmək mümkündür, lakin praktikada torpağın təyinatını dəyişmək qəliz məsələdir. Məqalə və şərhlərə baxsanız ətraflı izahı tapacaqsınız. Vəkil Qulam İsmayılzadə
  • Altay Rzayev 2022-09-15 16:36:34

    Salam. Gəncə şəhərində mənə məxsus evin uzərində zəbt torpaq sahəsi var. O torpaq sahəsini sənədləşdirmək istəyəndə deyirləki həmin torpaq sahəsinin təyinatı kənd təsərrüfatıdır. Mənim köhnə şəhədatnaməmdə her yer yaşayış məntəqəsi kimi verilib və bu torpağın dörd tərəfi yaşayış məntəqəsi kimi çıxarış verilib. Bu nə dərəcədə düzgündür? Bu barədə nə edək məlumat verərdiz zəhmət olmasa

    Salam. Bilmək lazımdır zəbt etdiyniz torpaq sahəsinin kənd təsərrüfat təyinatlı olması hansı sənəddə qeyd edilib. Əgər həqiqətəndə 4 tərəfi yaşayış məntəqələrinit torpaqıdırsa onda ehtimal çox azdır ki sizin torpağınızın təyinatı başqa olsun. Vəkil Qulam İsmayılzadə
  • Vusal Ahmedov 2022-09-27 18:55:02

    Salam.men teyinatı ehtiyat fond torpaqları olan yerde ev tikmişem qeydıyata duşe bilmirem nece etmeliyem.

    Salam. Azərbaycan Respublikasının Torpaq Məcəlləsinin 33-cü maddəsinə əsasən ehtiyat fondu torpaqlarının istifadəsinə onların müvafiq kateqoriyaya keçirilməsindən sonra yol verilir. Yani müvafiq normaya əsasən siz ilk öncə torpağın təyinatını "yaşayış məntəqələrinin torpaqları" təyinatında dəyişdirməli, daha sonra həmin torpaq sahəsinin üzərində tiktiyiniz daşınmaz əmlakı özəlləşdirməlisiniz. Vəkil Qulam İsmayılzadə
  • Elməddin 2022-10-10 01:50:34

    Salam Qulam müəllim .Mən 1997 ci ildə əmlak komitəsindəm obyekt almışam yəni özələşdirmişəm həmin obyektin 20 sot torpağı var dövıət aktıda var vəobyektin ətrafında22 sot əlavə torpaqda var oəlavə torpağı dəfələrlə mən bələfiyyədən soruşmuşam deyoblər bizim torpaq deyil məndə 2003 cü ildə həmin torpaqda tikini tikdirdim indi məlum olurki həmin torpaq bələdiyyə torpağıdır özüdə əkinə yararlı indi mən nə edom

    Salam. İndiki halda, müvafiq bələdiyyə orqanı ilə sizin aranızda müqavilə və digər hüquq münasibəti olmadığı üçün sizin bələdiyyəyə məxsus torpaqda etdiyiniz tikinti işləri qanunsuzdur. Bələdiyyənin aidiyyatı şəxslərinə müraciət edib həmin əraziyə dair razılığa gəlməyiniz məsləhətlidir. Vəkil Qulam İsmayılzadə
  • Elməddin 2022-10-11 00:36:11

    Hörmətli Qulam müəllim deyəsən mən sizə düzgün izah edə bilməmişəm mən demək istəyirəmki əvvəlcə bilməmişəm ki bələdiyənin yeridir indi bilmişik özüdə təyinatını dəyişmişik yəni əkinə yararlı yerin üstündə əsaslı tikinti aparmışam orada cinayət əməli varmı tikinti 2003 də aparılıb əvvəlcədən təşəkkür edirəm

  • RamilZeynalov 2022-10-11 14:26:50

    Salam sizi nerahat eden Zerdab rayon sakini Zeynalov Ramil İsmayil oğludur.Hal hazırda icaremde olan 40 hekdar dovlet fond torpagini heyvandarliqdan ekin teyinati ala bilmirem Xais edirem bu haqda melumat yazardiz.

    Salam. Bunun üçün siz ilk növbədə yerli icra hakimiyyətinə yazılı ərizə verməlisiniz sonra ordan rəy alıb bir neçə digər qurumlara müraciət etməlisiniz. Yekunda torpağın təyinatının dəyişdirilməsi haqqında Nazirlər Kabineti verir. Vəkil Qulam İsmayılzadə
  • Abışov Bədirxan 2022-11-22 20:31:10

    Salam qardaş Mən Beyləqan rayonu Qaralılar kəndindənəm Şəhid Anasıyam..yol kənarında 120 kvm torpaq verilib icra hakimiyyəti tərəfindən...mən də orda ehsan bulağı... 120kvmetirin 80 kvm də isə obyekt tikdirmişəm..sora məlum oldu ki torpaq..kənd təsərrüfatı təyinatlıdır...Nə etməliyəm zəhmət olmasa yazardız

Şərh yaz