Xarici universitetlərin diplomlarının tanınmasında problemlər

Xarici universitetlərin diplomlarının tanınmasında problemlər

Xarici diplomun tanınması. Apostil.

Xaricdə təhsil alan şəxs Azərbaycana qayıtdıqdan sonra ali təhsil haqqında sənədi  Azərbaycan ərazisində tanıtmalı və ixtisasın ekvivalentini müəyyən etməlidir. Çünki xaricdə təhsil alan şəxsin diplomu qanunla Azərbaycan ərazisində tanınmırsa (nostrifikasiya olunmursa) həmin şəxsin diplomu meəyyən hallarda etibarsız sayılır. Bu, həmin şəxsin ölkədə iş tapmasını çox çətinləşdirir.

Diplomların tanınmasını Azərbaycan Respublikasının Təhsil Nazirliyi Təhsildə Keyfiyyətin Təminatı Agentliyi (əvvəllər Akkreditasiya və Nostrifikasiya İdarəsi) həyata keçir. Agentli Q. Qarayev Ave. 2B (Baku Technical College), AZ 1060, Baku, Azerbaijan Entrance from K. Balakishiyev St. ünvanında yerləşir.

Yaxın vaxtlarda xaricdə təhsilni bitirəcək və ya hazırda məzun olan şəxslər diplomlarının Azərbaycanda tanınması üçün aşağıdakı prosedurlardan keçməlidirlər:

Xaricdən gələndə (xüsusilə Rusiyada, Ukraynada və s. təhsil alanlar) diplomunuz həmin xarici ölkədə apostil və ya leqallaşdırılmalıdır.

Apostil nədir?

Apostil (fr. apostille) - bir ölkənin ərazisində verilmiş və hüquqi qüvvəyə malik olan sənədlərin digər ölkənin ərazisində leqallaşdırılması üçün istifadə olunan beynəlxalq leqallaşdırılma üsuludur. Apostil beynəlxalq standartlara uyğun olaraq tərtib edilir və bu barədə ştamp sənədin əslinnin və ya surətinin üzərinə vurulur.

 

Konsulluğun leqallaşdırılması sənədlərdə və aktlarda olan imzaların həqiqiliyinin, bu sənədlərin və aktların konsulluğun yerləşdiyi dövlətin qanunlarına uyğunluğunun müəyyən edilməsindən və təsdiqindən ibarətdir.

 

Azərbaycana gəldikdən sonra diplomun,diploma əlavəni və digər sənədlərin Azərbaycan dilinə tərcümə etdirib notarial qaydada təsdiqlətdirərək nostraftikasiya sənədilə birlikdə Təhsildə Keyfiyyətin Təminatı Agentliyinə təqdim etmək  lazımdlr. Müraciət yalnız onlayn formada həyata keçirilməlidir. Bunun üçün siz Elektron Müraciət Sisteminə daxil olub qeydiyyatdan keçməlisiniz.
 

Diplomun tanınması (nostrifikasiya) prosesində hansı problemlərlə üzləşə bilərsiniz?

• Diplomunuzu təsdiq etmək üçün müraciət etmisinizsə, bilməlisiniz ki, bu prosedur minimum 6 aydan 2 ilədək çəkə bilər. Yəni diplomunuzun tanınması prosesdir ona görə də ölkəyə qayıdan kimi bu prosesə başlamağı tövsiyə olunur
• Əgər siz xaricdə qiyabi təhsil almısınızsa (xüsusilə Rusiya, Ukrayna və Türkiyədə) bilin ki, sizin həmin ölkəyə giriş-çıxışınız hər iki semestr, yəni bir tədris ili üçün 30 gün çəkməlidir. Məsələn, əgər kimsə ildə 10 gün Rusiyada olubsa və bu müddət ərzində 2 semestr imtahanını bağlayıbsa onda agentlik sizin diplomunuzu tanımayacaq
• Təhsil aldığınız ali təhsil müəssisəsindən Agentliyin məktubunun cavabı da nostrifikasiya prosesinə təsir edir. Nostrifikasiya üçün təqdim etdiyiniz sənədlər universitetə ​​göndərildikdə universitet araşdırma aparır və Agentliyə cavab verir. Bu proses uzun çəkərsə, nostrifikasiya prosesini uzadar. Bundan əlavə, universitetin verdiyi məlumatlar sizin təqdim etdiyiniz məlumat və ya sənədlərlə uyğun gəlmirsə, diplomunuz tanınmayacaq.

Diplomun təsdiqindən imtina aldıqda nə edə bilərsiniz?

Agentlik diplomunuzu hər hansı bir səbəbdən tanımaqadan imtina etdiyi təqdirdə siz bu haqda məhkəməyə müraciət edərək öz hüquqlarınızın təmin edilməsini tələb edə bilərsiniz. Belə olan halda siz Azərbaycan Respublikası İnzibati Prossesual Məcəlləsi tələblərinə əsasən inzibati məhkəmələrə müraciət edərək imtinanın verə orqanın üzərinə  diplomun tanınması öhdəliyinin qoyulması haqqında qərar qəbul edilməsini məhkəmədən xahiş edə bilərsiniz. 

#diplomun taninmasi # nostrafikasiya # təhsil haqqinda qanun # diplom # apostil