Hüquqi yardım

Zamin durduğunuz şəxsin yerinə ödədiyiniz pulu necə geri ala bilərsiniz?
02 Okt

Zamin durduğunuz şəxsin yerinə ödədiyiniz pulu necə geri ala bilərsiniz?

Zamin durduğunuz şəxsin yerinə ödədiyiniz pulu necə geri ala bilərsiniz?

Zamin ödədiyi pulu necə geri ala bilər?

Yaxın bildiyiniz bir adam sizdən bankdan pul götürmək üçün ona zamin durmağınızı xahiş edir.

Deyək ki, bank şəxsə krediti verir və müəyyən müddət keçdikdən sonra zamin durduğunuz şəxs pulu banka qaytara bilmir və bu səbəbdən bank həmin pulu sizdən də tələb etməyə başlayır.

Təbii ki, ilkin olaraq siz tələb edilən borcun sizə aid olmadığını və ona görə də borclunun əvəzinə pul ödəməyəcəyinizi bildirəcəksiniz.

Buna baxmayaraq, bank sizi məhkəməyə verəcək və məhkəmə də götürülmüş kreditin zamin durduğunuz şəxsdən və sizdən tutulması haqqında qərar qəbul edəcək.

Bundan sonra isə icra məmuru icra tədbirləri görəcək və qətnamədə qeyd olunan məbləğin hamısını və ya bir hissəsini sizdən tutaraq zamin durduğunuz şəxsin yerinə banka ödəyəcək.

Zamin ondan tutulan pulu kimdən və necə geri ala bilər?

Bunun üçün Mülki Məcəllə reqres iddia anlayışını formalaşdırmışdlr.

Reqres iddia öz vəsaiti hesabına başqasının borcunu ödəmiş və ya başqasının əvəzindən zərər ödəmiş şəxs tərəfindən ödədiyi vəsaitin geri tələb edilməsidir. Yəni, şəxsin öz əmlak vəziyyətini bərpa etmək hüququdur.

Hansı hallarda reqres iddia irəli sürə bilər?

1) Zamin borclunun ödəməli olduğu borcu onun əvəzindən borcverənə ödəyərsə, o , reqres (geriyə tələb və ya əks tələb) qaydada ödədiyi məbləği borcludan tələb edə bilər.

Misal üçün siz zamin durduğunuz iş yoldaşınızın yerinə banka 2000 manat pul ödəmisiniz. Bu halda siz iş yoldaşınıza qarşı reqres iddia ilə məhkəməyə müraciət edərək onun yerinə ödədiyiniz pulu ondan geri tələb edə bilərsiniz.

2) Reqres iddianın şamil edildiyi digər hal isə daha çox işçi və işəgötürən arasında yaranan münasibətlər zamanı ortaya çıxır. Beləki, əmək vəzifələrinin icrası zamanı işçi tərəfindən vurulmuş zərəri ödəmiş işəgötürən reqres iddia qaydasında onun tərəfindən ödənilmiş zərəri işçidən tələb edə bilər.

Misal üçün “Baku Bus” MMC-nin avtobus sürücüsü nəqliyyat vasitəsini idarə edərkən düzgün manevr etməyərək yol kənarında duran işıq dirəyini aşırdaraq onu yararsız hala salır.

Müvafiq dövlət orqanı “Baku Bus” MMC-dən dəymiş ziyanı dövlətə ödənilməsini tələb edir və “Baku Bus” MMC həmin pulu dövlətə ödəyir.

Bu halda “Baku Bus” MMC işçisinin yerinə ödədiyi pulu sonra öz işçisindən reqres qaydada tələb edə bilər.

#zamin # zaminlik # borc # reqres qayda # reqres iddia # reqres qaydada pulun geri tələb edilməsi

Şərhlər

  • Asim Abduleliyev 2023-03-04 23:57:15

    salam men 2019 ilde zamin olmuwam 2021 ilde mehkeme olub mueyyen sebeblere gore mehkemede iwtirak ede bilmemiwem.avtomobilime hebs qoyublar.pul goturen adama hebs vermeyibler.menim yawayiw unvanim baki weheri oldugu halda elbir olub icra vereqesinde borc goturen adamin unvanina yeni terter rayonuna qeydiyat yaziblar,yevlax rayon merosu mawinima hebs qoyub.men hemen meblegi odedim.mehkemeye müraciət etsem hemen pul goturen adama hebs düşürmu?

    Siz borcu ödəyib sonra məhkəmə qaydasında tələb edə bilərsiniz. Vəkil Qulam İsmayılzadə
  • Renat Məmmədov 2023-08-22 20:56:03

    Salam. Yoldaşım mənlə nigaha girməmişdən əvvəl 10 min kredit götürüb ailəsinə vermişdi. Nigaha daxil olandan sonra mən sözügedən krediti digər bankdan götürərək (götürdüyüm kreditin protokolunda yoldaşımın adındakı krediti tam şəkildə ödəmək şərti ilə verilib. Həmin tarixdə də yoldaşımın adındakı krediti ödəyib banka qəbizi təqdim etmişəm ) indi boşanmaq uzrəyik, ödədiyim krediti geri qaytarılması ilə bağlı iddia qaldıra bilərəm mi? Və ödənmis krediti məhkəmə bağışlanmış pul kimi qəbul etməz ki?

    Ödənilmiş krediti geri tələb edə bilmərisniz. Vəkil Qulam İsmayılzadə
  • Əziz Verdiyev 2023-11-30 17:18:14

    Salam. Mən bir nəfərə zamin durmuşdum. Zamin durduğum şəxs bir müddət sonra krediti ödəmədi. Kredit icra idarəsi tərəfindən mənim əmək haqqıma yönəldildi. Hazırda qalıq məbləğin yarısı əmək haqqımdan tutulub. Mən indiyədək tutulmuş məbləği məhkəməyə verib krediti götürəndən tələb edə bilərəm? Digər yarısını isə kredit tam qurtarandan sonra. Yoxsa hamısını tam qurtardıqdan sonra tələb edə bilərəm?

    Yarısını da tələb edə bilərsiniz. Vəkil Qulam İsmayılzadə
  • Tahir 2024-01-24 15:40:26

    Salam .Men bir is yoldasima zamin durmusam o sexs pulu odemeyib menden tutular men o pulu nece ala bilerem

    Reqres iddia qaydası ilə məhkəməyə müraciət edib ödədiyiniz pulu ondan tələb edə bilərsiniz. Vəkil Qulam İsmayılzadə
  • Tahir 2024-02-05 22:32:40

    Salam men bir is yoldasima zamin durmusam pulu odemediyi ucun pulu menim mayisdan tutular

    Sualınız nədən ibarətdir bəs? Vəkil Qulam İsmayılzadə
  • Vüqar 2024-03-14 21:53:41

    Men zamin durdum iş yoldaşıma ödemeni gecişdirdi mehkemenin qerarınan maış kartından pulu kartından tuturdular bu bank menim pensiya kartıma mehdudiyet qoyaraq menim pensiyamdan bütün mebleği götürüb ne qeder düzgündü verilen mebleğin neçe faizin tuta biler

    Qanuna əsaən bu cür tələblərdə 50% dan çox tutula bilinməz. Vəkil Qulam İsmayılzadə
  • Kamal zeynalov 2024-03-28 17:41:55

    Salam men bir nefere zamin durmuwam 15 min manata zamin durmuwam ve bugun mektub gelib ayin 5 i mehlemedi menim resmi iw yerim var ve 345 manatdi resmi maawim mmehkemede ne ola biler mene hebs vere bilerler? Ya menim emek haqqimdan turulacaq halbuki menimde oz ohdeliyim var bezi kreditlerim var nece olacaq zehmet olmasa melumat vere bilersiz?

Şərh yaz