2024-cü İl Üçün Azərbaycanın Vergi Məcəlləsindəki Əsas Yeniliklər: Dəyişən Qanunvericilik və Biznes Üçün İmkanlar

2024-cü ildə Azərbaycanın Vergi Məcəlləsində və digər qanunvericilik aktlarında edilmiş əhəmiyyətli dəyişikliklərin detallı təhlili. Bu məqalədə, elektron qaimə-faktura tələblərindən tutmuş, vergi borcu ödəniş müddətinin uzadılması, depozitlər üzrə vergi güzəştləri, işəgötürən tərəfindən ödənilən xərclərin vergi statusu, hədiyyələr və maddi yardımlar üçün vergi güzəştləri, mikro sahibkarlıq subyektləri üçün vergi güzəştləri, yeni maliyyə sanksiyaları, dövlət satınalmaları və rəqabət məcəlləsi kimi mövzular ətraflı şəkildə araşdırılır. Bu məqalə, vergi mütəxəssisləri, biznes sahibləri və hüquqşünaslar üçün dəyərli bir mənbədir və onların Azərbaycanın güncəlləşdirilmiş vergi qanunvericiliyindən xəbərdar olmalarına kömək edəcək.

2024-cü ilədən etibarən Vergi Məcəlləsinə bir sıra düzəlişlər qüvvəyə minmişdir. 

2024-cü il üçün Azərbaycanın Vergi Məcəlləsinə və digər qanunvericilik aktlarına edilmiş dəyişikliklər, həqiqətən, ölkənin vergi sistemində mühüm yenilikləri əhatə edir.

• Vergi ödəyicisi tərəfindən alınmış avans ödənişləri barədə avansın alındığı gün elektron qaimə-faktura verilməlidir.                                
• 500 manatdan 300 000 manatdək məbləğdə vergi borcu olan istənilən kateqoriyadan olan vergi ödəyiciləri vergi öhdəliyinin yerinə yetirilməsi müddətinin uzadılması üçün vergi orqanına müraciət (yazılı) edə biləcəklər.                                
• milli valyutada olan depozitlər üzrə hesablanan aylıq faiz gəlirlərinin 200 manatadək olan hissəsi, habelə depozitin müddəti 18 aydan yuxarı olan depozitlər 3 il müddətinə gəlir vergisindən azad edilir.                                
• İşəgötürən tərəfindən ödənilən nümayəndəlik xərcləri, işçilərlə bağlı mənzil və yemək xərcləri fiziki şəxsin muzdlu işdən gəlir vergisinin vergitutma bazasına daxil edilmir. Eyni zamanda, bu xərclərin birbaşa işəgötürən tərəfindən çəkilməsinin nəticəsi kimi əldə edilən gəlir vergi tutulan gəlir hesab edilmir.                                
• Hədiyələrin və təhsil haqlarını ödəmək üçün maddi yardımın, birdəfəlik müavinətin gəlir vergisindən azad olunan hissəsi 1,000 manatdan 2,500 manata qaldırıldı.                                
• Mikro sahibkarlıq subyektlərinin gəlir və ya mənfəət vergisindən 75 faiz güzəştin tətbiqi üçün müvafiq il üzrə orta aylıq muzdlu işçi sayının 3 nəfərdən az olmaması və məcburi dövlət sosial sığorta haqları üzrə borcun olmaması şərti müəyyən edildi.                        
• Gəlir və xərclərin uçotunun Məcəllədə nəzərdə tutulan qaydada aparılmamasına görə maliyyə sanksiyası ləğv edildi.                                
• Aşağıdakı yeni maliyyə sanksiyaları müəyyən edilir:                                
• Taksi sifarişi operatorları tərəfindən malik olduqları informasiya sistemi vasitəsilə aylıq məlumatları müəyyən edilən müddətdə təqdim olunmaması və ya təhrif olunmuş məlumatların təqdim edilməsinə görə maliyyə sanksiyasının tətbiq edilməsinə görə 1000 manat;                
• Təqvim ili ərzində aparılmış əmtəəsiz əməliyyatlara görə riskli vergi ödəyicisinə maliyyə sanksiyalarının tətbiq edilməsi: o birinci dəfə - aparılmış əməliyyatın məbləğinin 10 faizi; o ikinci dəfə - aparılmış əməliyyatın məbləğinin 20 faizi; o üç və daha çox dəfə - aparılmış əməliyyatın 40 faizi miqdarında.                                
• 2024-cü il üçün ehtiyac meyarı 246 manatdan 270 manata qalxmışdır.                                
• 2014 cü ildən aşağı istehsal ili olan avtomobillərin Azərbaycana idxalı qadağan edilmişdir.                                
• “Dövlət satınalmaları haqqında” Qanun qüvvəyə minmişdir. Yeni Qanunun tətbiq dairəsi daha geniş müəyyən edilmişdir və satınalmaların yalnız tender.gov.az                                
• portalı üzərindən aparılması nəzərdə tutulur. Kağız daşıcıyılarda yalnız məxfi məlumatlarla bağlı satınalmaların aparılmasına icazə verilir.    
• Həmçinin 2024-cü ildən etibarən Rəqabət Məcəlləsi qüvvəyə minmişdir. Məcəllənin bazar iqtisadiyyatına önəmli təsir edəcəyi nəzərdə tutular.    

   Bu dəyişikliklər, xüsusilə Azərbaycanda biznes mühitini düzəltmək, vergi ödəyicilərinin hüquqlarını qorumaq və iqtisadi effektivliyi artırmaq istiqamətində atılan mühüm addımlardır.

#Azərbaycan Vergi Məcəlləsi # Vergi Qanunvericiliyi Yenilikləri # Elektron Qaimə-Faktura # Vergi Borcu Ödənişi # Vergi Güzəştləri # Mikro Sahibkarlıq Vergi İmtiyazları # İşəgötürən Xərcləri və Vergilər # Maliyyə Sanksiyaları # Dövlət Satınalmaları Qanunu # Rəqabət Məcəlləsi # Azərbaycan İqtisadiyyatı # Biznes və Vergi # Vergi Tətbiqləri # Azərbaycan Sahibkarlığı # Vergi Məsləhətləri