Ev alqı-satqı müqaviləsi zamanı nəyə diqqət yetirilməlidir? Etibarnamə ilə ev almaq nə dərəcədə etibarlıdır? Çıxarışın olması vacibdirmi?
Mənzil almaq demək olar ki, hər kəsin arzusudur. İnsanlar illərlə pul yığır və xərclərinə qənaət edir ki, ev sahibi olsun. Sonda da dələduzun biri gəlir və o pulu mənimsəyir. Burada söhbət tikintisi başa çatmayan evlərdən getmir. Çünki o cür evləri almaq qismən riskli hesab olunur. Bəzi MTK-lar neçə-neçə insanları aldadıb dələduzluq edir. Bu sahədə güvənilən şirkətləri tapıb araşdırmaq, əvvəl gördüyü işlərlə tanış olmaq lazımdır. Ona görə də məqalədə hazır çıxarışlı, yəni kupçası olan evləri alarkən diqqət edilməli nüanslardan bəhs ediləcək.
İlk növbədə diqqət edəcəyimiz sənəd evin mülkiyyət hüququ ilə bağlı sənəddir. Çıxarış, yəni kupça yoxdursa, deməli, mənzilin əsl sahibi kimdir bilinmir, dolyı yolla həmin mənzil dövlət qeydiyyatına alınmayıb və dövlət sistemində belə bir mənzilin olması tanınmır. Bu halda gələcəkdə ola biləcək hər hansı neqativ vəziyyətə görə dövlət cavabdeh deyil. Bu ona görə vacib məsələdir ki, bəziləri pulu sizdən alır və deyirlər ki, narahat olma hər şey qaydasındadır, mən sənin üçün çıxarış alacam. Amma adamların çoxu hələ də kupça və ya çıxarış ala bilmir.
2-ci hal isə alqı-satqı müqaviləsi ilə bağlıdır. Ola bilər ki, kimsə müqavilə tərtib etsin və desin ki, bu müqaviləni imzalayandan sonra artıq ev sənindir. Qətiyyən belə sözə inanmayın. Çünki Azərbaycan Respublikası Mülki Məcəlləsinin 394-cü maddəsinə əsasən, “Bir tərəfin daşınmaz əşyaya mülkiyyəti digər tərəfə vermək və ya əldə etmək barədə öhdəlik götürdüyü müqavilə notariat qaydasında təsdiqlənməlidir”. Bu normadan da görünür ki, ev alarkən bağlanılan alqı-satqı müqaviləsi notariat qaydada bağlanıldıqda etibarlıdır. Həmçinin həmin məcəllənin 139-cu maddəsinə əsasən, “Mülkiyyət hüququ və daşınmaz əmlaka digər hüquqlar, bu hüquqların məhdudlaşdırılması, əmələ gəlməsi, başqasına keçməsi və xitamı dövlət qeydiyyatına alınmalıdır”. Yəni evi alqı-satqı müqaviləsi üzrə əldə etmək istədiyiniz zaman notariusa getmək mütləqdir. Çünki notarial qaydada alqı satqı edilməsə, ev daşınmaz əmlakın dövlət reyestrində qeydiyyata alınmayacaq.
1) Mülkiyyət hüququnu təsdiq edən sənəd - yəni çıxarış (kupça)
2) Yüklülüyün və ya həbsin olub-olmaması barədə arayış (notarius tərəfindən verilir)
3) Nikah haqqında şəhadətnamə - Mülkiyyətçi nikahdadırsa, onun
4) Evin satılmasına ərin (arvadın) notariat qaydasında təsdiq edilmiş razılığı
5) Evdə qeydiyyatda olan yetkinlik yaşına çatmış bütün ailə üzvlərinin notariat qaydasında təsdiq edilmiş razılığı.
3-cü məsələ beh müqaviləsinin yazılı qaydada bağlanması ilə bağlıdır. Müqavilənin müəyyən tərtib edilmə qaydaları var. Bu qaydalar Mülki Məcəllədə göstərilib. Qanunvericiliyi bilməyən şəxs əlbəttə ki, bu müqavilənin düzgün, yoxsa yalnış tərtib edildiyini müəyyənləşdirə bilməyəcək. Bu da gələcəkdə mübahisələrə gətirib çıxaracaq. Ona görə də beh müqaviləsinin tərtibi üçün də notariusa yaxınlaşa bilərsiniz. Çünki ev alırsınız və burada da böyük məbləğlərdən söhbət gedir. Verdiyiniz behin məbləği də təbii olaraq, böyük olur. Hüquq səmimiyyəti yox, rəsmiyyəti sevir. Yəni o insan üzünüzə gülə bilər, ələ ala bilər və s. Belə şeylərə aldanmaq olmaz. Saxtakarların sayı günü-gündən artmaqdadır. Odur ki, belə hallarda ən yaxşısı hüquqşünas məsləhəti almaqdır.
4-cü məsələmiz isə əvvəl qeyd olunanlar ilə əlaqəlidir. Əgər notarius vasitəsilə alqı-satqı edilsə, onsuz da bu barədə sizə məlumat veriləcək. Notariusda əmlak üzərində mülkiyyət hüququnu təsdiq edən sənəd tələb olunur. Sonra evi satan nikahdadırsa, ondan nikah haqqında şəhadatnaməsi, əmlak üzərində yüklülüyün və ya həbsin olub-olmaması barədə Əmlak Məsələləri Dövlət Komitəsi yanında Daşınmaz Əmlakın Dövlət Reyestri Xidmətinin verdiyi arayış tələb olunacaq (forma 1).
Bəlkə ev ipoteka predmetidir? Tutaq ki, ipoteka saxlayan bankdır. Borc öhdəliyinin təmin edilməsi üçün bankla borc öhdəliyi müqaviləsi bağlanıb. Əgər bank yazılı razılıq verməsə, evi sata bilməzsiniz. Onsuz da yaşayış evinin, mənzilin, bağın, qarajın, torpaq sahəsinin və digər daşınmaz əmlakın özgəninkiləşdirilməsi təqdiq olunarkən, əmlakın özgəninkiləşdərilməsinə qadağanın olub-olmaması və ya əmlaka həbs qoyulub-qoyulmaması yoxlanılır. Buna görə də notarius özgəninkiləşdirilməyə qadağanın olub-olmaması barədə arayış tələb edir.
Qeyd etdiyim məsələlərdən əlavə, həmin şəxsdən kommunal borcun olub-olmaması barədə arayış da tələb edilə bilər. Bu zaman arayışın tarixinə diqqət yetirilməlidir. Sonra evin konstruksiyasında dəyişiklik edilibsə, ona da diqqət edilməlidir. Çünki ev tikintinin tələblərinə uyğun olmalıdır.
Həmçinin, kupçaya nəzər salmaq lazımdır ki, ev satıcının adına nə zaman qeydiyyatdan keçib. Bəlkə o şəxs evi təzə alıb və bəzi problemlər çıxıb deyə evi satır. Belə kiçik detallara da fikir verilməlidir. Qonşular barədə də qanunla qadağan olunmayan yolla məlumat əldə edin. Atalar demiş, qonşu pisdir köç qurtar, dişin ağrayır, çək qurtar.
Etibarnamə ilə ev almaq da təhlükəlidir. Məsələn, evin mülkiyyətçisi evə sərəncam verilməsi hüququnu sizə etibar edir və bununla bağlı sizə etibarnamə verilir. Bu da sizin evin mülkiyyətçisi olduğunuza dəlalət etmir. Etibar edən şəxs istənilən vaxt notariusa yaxınlaşıb etibarnaməni ləğv edə bilər. Bu vəziyyət etibarnamə ilə maşın alanların başına gələnlərə çox bənzəyir. Şəxs bir illik ümumi etibarnamə (“generalniy doverennost”) dediyimiz etibarnamə verir, etibarnamənin müddəti bitdiyi müddətdə isə yenidən etibarnamə vermir və ya qarşılığında pul istəyir. Əsas məğz odur ki, etibarnamə ilə əmlakın mülkiyyətçisi olunmur. Etibar edən öldükdə isə etibarnaməyə xitam verilir.
İstənilən əhəmiyyətli müqavilələr bağlanılan zaman peşəkar hüquqşunasın iştirakı zəruridir, eləcə də ev alqı-satqısı həyata keçirilərkən. Belə ki, hüquqşunasın alqı-satqı zamanı sizin yanınızda iştirak etməsi sizi dələduzlardan qoruyur və gələcəkdə iki dəfə xərcə düşməyinizin, evlə bağlı problemlər yaşamağınızın qarşısını alır. Hüquqşunas tərəfindən verilən faydalı məsləhət sizin pulunuzun, vaxtınızın, həm də ki əsəbinizin hədər getməsinin qarşısını alır.
#daşınmaz əmlak # əmlak # daşınmaz əmlakın alqı-satqı müqaviləsi # daşınmazəmlak # daşınmaz əmlak.az # əmlak vergisi nədir # əmlak vergisi online ödəmə # vekil nomreleri # vekil axtariram # vekil # hüquqşünas # vekil telefon nomreleri # vekillerin telefon nomreleri # huquqi yardimhuquq mesleheti # hüquqşünaslıq # vəkil
Şərhlər
Musayev Adil 2023-03-27 01:54:14
Sualima cavabi sizin səyfədə tapdim təşəkkürlər
Fərəməz İsmayılov 2023-05-18 12:49:05
Salam. Qulam müəllim. Sizi narahat etdiyim üçün üzürlü sayın. Mənim övladım məni hər yerdə təhqir edir. Bundan əlavə barəmdə dövlət orqanlarına yalan məlumat verir, məni saxtakarlıqda, uşağının ölümündə ittiham edir, təhqir edir,hədə qorxu gəlir, məni infarkt elətdirib. Mənim mənzilimdə yaşama hüququ var. Məni votsap vasitəsilə ağzına gələni yazır. Bütün sübutlarım var. Mən bunu mirasdan, o, cümlədən barəsində hansı tədbirlər görə bilərəm. Mən müharibə veteranıyam. Xahiş edirəm mənə kömək edin.
Mina 2023-08-27 19:07:46
Salam. Ailəli qardaş MİDA- da qazandığı evini ödənilməyən bir qisim borcla birlikdə bacısına satmağa məcbur qalıb, Borc qapanmadığı üçün çıxarış alınmayıb. Evin və borcun bacının adına rəsmiləşdirməsi eçün nə etçəlidirlər? Qalan borcun birdəfəlik qapatılması üçün vəsait yoxdu. Ancaq hər ay nəzərdə tutulan borc alan tərəfindən ödənilə bilər. Nə etməliyik?
Memmedov Terlan 2023-10-17 21:33:54
Ev atamın adına olub . sonra evi anamın adına keçirmişik amma bir ili bitmeyib indi alqı satqı etmek istəyirik bir prablem olar . bir ili bitmeyibse satmaq olar
Farid 2023-10-28 20:22:17
Salam Qulam muellim zehmet olmasa bilmek isteyerdim sabuncu rayonu pirsagi qesebesi 520kv metrlik torpaq 50illik etibarname ile verilib notarial qaydada nece ozellesdirmek ya nece satmaq olar 2063cu ile qeder muddeti var etibarnamenin
Kamil 2023-11-06 05:43:35
Salam Qulam müəllim, Mənim evlilikdən öncə kreditlə aldığım və evlilikdən öncə də kredit ödənişini tam bitirdiyim ev boşandıqda mülk olaraq uşaq olmadığı halda əmlak bölgüsünə daxil olurmu?
Mahammad 2023-11-19 14:00:41
Salam.zehmet olmazsa melumat vererdiniz. Men ev satiram.alan adam her ay odenish etmekle evi almaq isteyir.odenishin axrinci aylarinda alqi satqi olacaq. Men bilmek isterdimki,gelecekde problem yashamamaq uchun hansi meselelere diqqet yetirmeliyem?
İlkin İbrahimxəlilov 2024-01-27 11:06:23
Salam. Çox sağ olun. Məlumatlandırdığınız üçün
Tgıyev Elmit 2024-02-25 00:49:28
Salam , mənim hazırda yaşadıgım mənzil atamın adınadır indi mənim adıma keçırmək istəyirik bunun üçün hansı sənədlər lazımdır və nələrə diqqət etməliyəm? Əvvəlcədən təşəkkür edirəm!
Əfqan səmədov 2024-04-12 23:39:30
Salam ev almaq üzərəyik. Müqavilə ilə almaq qaydasını bilmirik. Zəhmət olmasa izah edərdiz
Aynur Ağayeva 2024-04-24 20:07:53
Salam . Yoldaşımın müeyyen miqdarda vergi borcu yaranıb . BŞPŞ ölkeden çıxışına stop qoyub .Bu mehkeme qerarı deyil ,BŞPŞ -nin qoyduğu stopdur . İş mehkemeye gederse ,borcun ödenilmesi üçün yoldaşıma mexsus mal varlığı herraca çıxarıla bilermi ? Evimiz yoldaşımın adınadır ve 3 övladımız var . Hörmetle , A.Ağayeva .
Sevda Guliyeva 2024-05-28 15:55:06
Salam. Alqi satqı zamanı notarius mənzildə heç kəsin qeydiyyatda olmamasını və kommunal borclarin olmamasini yoxlaya bilərmi. Və təqdim edilən çıxarışın mənə göstərilən mənzilə aid olduğundan necə əmin ola bilərəm. Hal-hazırda ünvanlar kupçada fərqli göstərilir. Köhnə və yeni. Mənzillərin nömrələri də qarışıqdır. Necə əmin ola bilərəm ki kupçadakı məlumatlar mənə göstərilən evə aiddir. Birde bezen satıcılar alqi-satqıdan sonra qeydiyyatdan çıxacaqlarını deyirlər, 500 manatın saxlanılmasını təklif edirlər, və çıxandan sonda ödənilməsini. Və alqı-satqıdan sonra evdə hələ bir müddət yaşamaq istədiklərini deyirlər. Bunu nə dərəcədə qanunidir? Çox sagolun.
Cahangir Huseyn 2024-08-06 00:28:59
Salam Qulam müəllim. Biz ev almışdıq və bizdən iki il sonra evi başqa birinə satıblar. Evdə də yaşayış var. Məhkəmə olacaq. Bilmək istəyirəm ki bizim evi geri almaq şansımız nə qədərdir?
Əlirza Abbas 2024-08-18 14:36:04
Salam! Maşını 1 illik generalnıy doverennostla almışam. Onu indi necə özününküləşdirmək olar? Öncədən təşəkkür edirəm.
Məmmədova Raibə 2024-08-29 21:43:29
Salam, 1 ay bundan öncə bank krediti ilə ev almışam. Evi satıcı ilə razılaşdığımız formada ala bilmirəm. Belə hallarda müqaviləni pozub evi qaytarmaq mümkündür?
SUBHAN ISMAYILOV 2024-10-13 10:55:45
Salam. Mən mtk-dan mənzil almaq istəyirəm. Mənzil gələn ilin əvvəlinə yaşayışa veriləcək. Hələki kupçası yoxdu mənzilin. Satan şirkət deyirki alan zaman maliyyə arayışı bağlanacaq. Bu nə qədər güvenilirdir.
Rəhimov Fərid 2024-11-14 01:19:33
Salam. Mənzil almaq istəyirəm müqavilə ilə hələ kupça yoxdir. Bina fevralda təhvil veriləcək. Nələrə diqqət etməliyik?Zəhmət olmasa deyərdiz.Müqavilə ilə alınan yeni tikililər də alanda ödənişi natariusla həll etməliyik?
Rəhimə camalova 2024-11-18 22:07:22
Salam kupcasi cixarişı olmuyan binadan ev almaq şirkətin sənədi ilə nə dərəcədə düzgündür xaiş bu barədə cavab verin
Orxan Guseynov 2024-11-22 16:44:51
Sənədi ilə ev alanda notariusda satışdan sonra evin yeni sahibi derhal öz adına yeni sənəd alır və ya prosedur necədir?
Cosqun Memmedov 2024-12-23 05:09:03
Salam Hormetdi Vekil. Men bir meaqale oxudumki ev alarken pulun membeyini gostermeliyik,ve hemin meqalede yazilmisdiki bu yeni tikililere daha cox telabat olacaq demekdir bir seyi anlamadim yeni tikilen binadan ev alanda gostermirik kohne binadan alanda gosteririk?
Rüfət Əliyev 2025-01-08 23:42:06
salam müəllim apartman tipli dairelerden müqavilə ile ev almaq nə qədər doğrudur.kupcanı sonradan almaq olurmu
Adgözəlova Ramilə 2025-03-30 12:21:20
Salam.Vəkil 1 sualım var sizə ev atanın adınadır və 2 oğul var onların ikisi də bərabər hüquqludur?və mülkiyyət kimin adına keçə bilər bu qanunla necə tənzimlənir?
Sevil Ələkbərova 2025-04-13 13:39:31
Salam. Evi aldıqdan sonra aldadıldığımı bilib evi qaytarmaq istəsəm, nə etməliyəm?
Eliyeva Ilahe 2025-05-06 18:12:03
Salam əlillərə verilən evlərin satılmasına icazə varmı,mən həmin evi almaq istəyirəm,yeni mən dördüncü adamam, ev üç dəfə alqı satqı olunub çıxarışı var, sadəcə narahatam,teşekkür edirem
Şərh yaz