Hansı hallarda borclunun maaşından və gəlirlərindən pul tutula bilər?
İcra Haqqında Qanuna əsasən məhkəmə qərarı üzrə tutmalar cavabdehin (borclunun) əmlakı olmadıqda və ya onun əmlakı kifayət etmədikdə onun əmək haqqına və digər gəlirlərinə yönəldilir.
Borclunun əmək haqqından və digər gəlirlərindən tutulan məbləğin (tutmanın) miqdarı vergilər tutulduqdan sonra qalan məbləğdən hesablanır.
Borclunun əmək haqqından və digər gəlirlərindən tutulan məbləğin miqdarı 50 % çox ola bilməz. Tələb, bir neçə icra sənədi üzrə borclunun əmək haqqına və ona bərabər sayılan digər gəlirlərinə yönəldildikdə, qazancın 50 % borcluda qalmalıdır.
Aliment, sağlamlığa vurulmuş ziyanın ödənilməsi, ailəni dolandıranın itkisi nəticəsində zərər çəkmiş şəxslərə vurulmuş ziyanın ödənilməsi və cinayət nəticəsində vurulmuş ziyanın ödənilməsi zamanı bu Qanunun 65.1-ci və 65.2-ci maddələri ilə müəyyən edilmiş məhdudiyyətlər tətbiq edilmir.
Belə hallarda əmək haqqından və ona bərabər sayılan digər gəlirlərdən tutmaların məbləği 70 % çox ola bilməz.
Tələbin borclunun təqaüdünə, pensiyasına, müəlliflik və əlaqəli hüquqlardan istifadəyə görə müəlliflik mükafatlarına yönəldildiyi hallarda da eyni qaydalar tədbiq edilir.
#məhkəmə # vəkil axtarıram # borclu # cavabdeh # pulun tutulması
Şərhlər
Zahir Sultanov 2022-06-10 05:13:54
Salam mənim 2 banka borcum var və 2000 manat və 6000. Manat 4 aydı yataq xəstəsiyəm iş qabiliyyətini itirmişəm bank əməkdaşlarına da xəbər etmişəm ki mən xəstəyəm onlar deyirki ödəniş edim bizə dəxli yoxdur ödəniş olmalıdı mənimdə heçbir yerdən gəlirim yoxdur???
Kamran,Sərrəcov 2023-12-09 21:46:48
Salam icra sənədinə görə əmək haqqından tutulma himayəmdə olan yoldaşım və uşaqlarıma görə yaşayış minimumu saxlanılırmı və bunun qanuni tərəfdən əsasları varmı xahiş edirəm ətraflı olaraq məlumat verərsiz.Əvvəlcədən minnetdaram
Şərh yaz