Blog

Ad və soyadın dəyiişdirilməsi qaydası
02 Okt

Ad və soyadın dəyiişdirilməsi qaydası

Ad və soyadın dəyiişdirilməsi qaydası.

Sizə verilən ad və soyadı, soyadın sonluğunu dəyişməyimiz mümkündür. Sadəcə olaraq 18 yaşdan yuxarı və 18 yaşdan aşağı şəxslərin ad və soyadını dəyişdirmə prosesi müraciətin kimin tərəfindən edilməsi baxımından fərqlənir.

Beləki, 18 yaşına çatdıqdan sonra hər bir Azərbaycan Respublikası vətəndaşı öz adını, ata adını və soyadını özü şəxsən dəyişdirə bilər. 18 yaşı tamam olmamış şəxslərin adının, eləcə də soyadının dəyişdirilməsi isə onların valideynlərinin və digər qanuni nümayəndələrinin (övladlığa götürənlərin, qəyyumun və ya himayəçinin) ərizəsi əsasında həyata keçirilir.

Ad və soyadın dəyişməsi  ilə bağlı hara müraciət olunmalıdır?

Ad və soyada dəyişiklik edilməsi ilə bağlı vətəndaş yaşayış yeri üzrə qeydiyyat şöbəsinə (keçmiş ZAQS), xarici ölkədə daimi yaşayan vətəndaş isə yaşayış yeri üzrə isə konsulluğa müraciət etməlidir.

Uşaq 18 yaşına çatana qədər onun adının dəyişdirilməsinə, eləcə də soyadının digər valideynin soyadına dəyişdirilməsinə valideynlərin birgə xahişinə əsasən yerli icra hakimiyyətlərinin qəyyumluq və himayə orqanları tərəfindən icazə verilir. Bu zaman hər bir halda uşağın mənafeyini nəzərə alınır və 10 yaşı tamam olmuş uşaqdan onun fikri soruşulur.

Ad və soyadın dəyişməsi ilə bağlı tələb olunan sənədlər:

Ad, soyad dəyişdirmək üçün ad və soyadında dəyişiklik etmək istəyən şəxsin özü, uşaq 18 yaşına çatanadək onun valideynləri müvafiq orqana aşağıdakı sənədləri təqdim edirlər.

• Adın, ata adının və soyadın dəyişdirilməsi haqqında ərizə 

• Ərizə verən şəxsin doğumu haqqında şəhadətnamə

• Ərizə verən şəxs nikahdadırsa, nikah haqqında şəhadətnamə

• Ərizə verən şəxsin nikahı pozulmuşdursa, nikahın pozulması haqqında şəhadətnamə

• Ərizə verən şəxsin yetkinlik yaşına çatmayan uşaqları vardırsa, onların doğumu haqqında şəhadətnamələr

Şəxsiyyəti təsdiq edən sənədin notariat qaydasında təsdiq olunmuş surəti

• İlkin hərbi qeydiyyata alınma haqqında vəsiqənin və ya hərbi biletin notariat qaydasında təsdiq edilmiş surəti

• Ərizə verən şəxsin 3x4sm ölçüdə 2 ədəd fotoşəkili

Dövlət rüsumunun ödənilməsi barədə sənəd.

Adın, ata adının və soyadın dəyişdirilməsinin qeydə alınması üçün 10 manat dövlət rüsumu ödənilir.

Ad və soyadın dəuişdirilməsi ilə bağlı edilən müraciət müsbət nəticələnirmi?

Çox zaman qeydiyyat şöbəsi əsaslı səbəb olmadıqda müraciətdən imtina edir. Bu zaman imtina almış şəxs məhkəməyə müraciət edərək ad, soyad və ya ata adının dəyişdirilməsini tələb edə bilər.

Aşağıdakı hallarda isə istənilən şəxsin ad, ata adı və soyadının dəyişdirilməsinə yol verilmir:

1) ərizə verən şəxs cinayət mühakimə icraatına şübhəli və ya təqsirləndirilən şəxs qismində cəlb edildiyi dövrdə

2) ərizə vermiş şəxsin götürülməmiş və ya ödənilməmiş məhkumluğu olduqda

3) müraciət etmiş şəxs barəsində tibbi xarakterli məcburi tədbirlər tətbiq edildikdə.

#ad və soyadın dəyişdirilməsi # qeydiyyat şöbəsi # ZAQS # pasportun dəyişdirillməsi

Şərh yaz