Hüquqi yardım

Valideynlik hüququndan məhrum edilmə
02 Sen

Valideynlik hüququndan məhrum edilmə

Valideynlik hüququndan məhrumetmənin xüsusiyyətləri. Hansı hallarda şəxs qanunla valideynlik hüququndan məhrum edilə bilər? Valideynlik hüququndan məhrum edilmiş şəxsin uşağı başqa şəxs tərəfindən övladlığa götürülə bilərmi?

Valideynlik hüququndan məhrumetmənin xüsusiyyətləri

Təbii ki, valideynlik hüququndan məhrumetmə çox xoşagəlməz haldır. Nəticədə ata, ana, hətta bəzən hər iki valideyn övladlarının tərbiyəsindən uzaqlaşdırılır və eyni zamanda övladlarını taleyin ümüdünə buraxırlar.

Cəmiyyətdə belə bir yanlış fikir formalaşıb ki, yalnız alkoqolik və ya narkomanların valideynləri və ya uzun illər aliment ödəməyən şəxslər valideynlik hüququndan məhrum edilə bilər.

Bu yanaşma ona gətirib çıxarır ki, məsələn, övladını 10 ildən artıq müddətdə görməyən valideynin valideynlik hüququndan məhrum edilməsi məsələsi gündəmə gətirilmir. Övladına əhəmiyyət verməyən valideyn tez-tez bəhanələr uydurur: “Mən spirtli içki aludəçisi deyiləm, narkoman deyiləm və hər ay lazım olan alimenti ödəyirəm. Ona görə də heç kim məni valideynlik hüququndan məhrum edə bilməz”.

Hansı hallarda şəxs qanunla valideynlik hüququndan məhrum edilə bilər?

Yalnız məhkəmə şəxsi valideynlik hüququndan məhrum edə bilər.

Valideynlik hüquqlarından məhrumetmə üçün əsasların siyahısı Azərbaycan Respublikasının Ailə Məcəlləsinin 64-cü maddəsində qeyd edilmişdir: 

  • valideynlər valideynlik vəzifələrini yerinə yetirmədikdə
  • aliment qəsdən ödənilmədikdə
  • uşağı doğum evindən və ya hər hansı tibb, təhsil müəssisəsindən, əhalinin sosial müdafiəsi müəssisəsindən və digər bu kimi 
  • müəssisələrdən götürməkdən üzrlü səbəb olmadan imtina edildikdə
  • valideyn hüquqlarından sui-istifadə edildikdə;
  • uşaqlara qarşı məişət zorakılığı hərəkətləri etdikdə
  • valideyn xroniki alkoqolik və narkomandırsa
  • uşaqların və ya ərinin (arvadının) sağlamlığı və ya həyatı əleyhinə qəsdən cinayət törətdikdə.
  • uşaqların cinsi istismarı və ya cinsi istismarı ilə bağlı cinayət törətdikdə

 

Valideynlik hüquqlarına xitam verilməsi üçün müraciət edərkən siz və övladınız niyə qarşı tərəfin valideynlik hüquqlarına xitam verilməsinə ehtiyac duyduğunu dəqiq bilməlisiniz. Bununla nəyə nail olmağa ümid edirsiniz?


Onu da qeyd edək ki, valideynlik hüququndan məhrum edilmiş valideyn övladını tərbiyə etmək hüququndan məhrum olur, onun uşaq bağçasında, məktəbdə uğurları və problemləri ilə maraqlanmaq hüququnu itirir.

Şəxs valideynlik hüququndan məhrum etdikdən sonra o, uşağa icazə vermək və ya qadağan etmək hüququnu da itirir. Bu, ilk növbədə, uşağın xaricə aparılması, habelə tibbi yardım istəməsi ilə bağlı icazə və qadağalara aiddir.

Valideynlik hüququndan məhrum edilmiş şəxs övladının ölümündən sonra ona qalan əmlaka vərəsəlik edə bilməz, lakin uşaq valideynlik hüququndan məhrum edilmiş valideynin əmlakına vərəsə olur.

Bundan əlavə, qeyd etmək lazımdır ki, valideynlik hüququndan məhrum edilməsi heç bir halda şəxsi aliment ödəmək öhdəliyindən azad etmir. Yəni, şəxs valideynlik hüququndan məhrum edilsə belə, övladlarına aliment ödəməyə davam etməlidir.

Valideynlik hüququndan məhrum edilməsinə baxmayaraq, məhrum valideynin digər qohumlarının (məsələn, nənə və baba) uşağa münasibətdə hüquqları itirilmir.

Valideynlik hüququndan məhrum edilmiş şəxsin uşağı başqa şəxs tərəfindən övladlığa götürülə bilərmi?

Bəli, məsələn, ata valideynlik hüququndan məhrum edildikdən sonra onun uşağı ananın yeni əri tərəfindən övladlığa götürülə bilər (məhrumiyyətdən 6 ay sonra).

#aliment # boşanma # vekil nomreleri # vekil axtariram # vekil # hüquqşünas # vekil telefon nomreleri # vekillerin telefon nomreleri # huquqi yardim # huquq mesleheti # hüquqşünaslıq # vəkil

Şərhlər

  • Konul Quliyeva 2023-10-02 23:33:40

    Salam ayrıldığım uşağın atası kiçik problemlər törədərək böyük münaqişələrə səbəb olub bu da uşağın yanında baş verir və hər dəfə uşaqdan imtina etdiyini ona baxşıyacağını bildirir bu hal uşağa təsir etməsindən çox qorxuram uşağı gösdərmiyə bilərəmmi?

    Əgər uşaqla ünsiyyət haqqında məhkəmə qərarı varsa onda uşağı göstərməsəniz ilk öncə inzibati, daha sonra isə cinayət məsuliyyətinə cəlb edilə bilərsiniz. Vəkil Qulam İsmayılzadə
  • Ayın 2023-10-06 00:41:30

    Salam mən boşanmışam məhkəmə qərarıyla nənə və baba uşaqla ünsiyyətdə olur və uşaqla ünsiyyətdə olarkən əminidə ünsiyyətə daxil edirlər məhkəmə yalnız nənə və babaynın görüşünə qərar verib icra məmuruna dedikdə deyir əmididə nolarki bu doğrudurmu

    Uşağın əmisi ilə də görüşmək hüququ var. Vəkil Qulam İsmayılzadə
  • Elmir esedov 2023-11-26 22:33:33

    Eğer rasyadan azarbaycanda gedərkən senin alment borcun vardeyerek həbs ederek borcunu ode dedikdə hecneden xebersiz olduqda tezden mekeme orqana müraciyət edə bilermi tezden mekemenin olmasını tələb edə bileremi

    Apellyasiya şikayəti verə bilərsiniz istənilən halda, lakin müddəti gərək ötürməyəsiniz. Vəkil Qulam İsmayılzadə
  • Şəfəq əliyeva 2024-01-20 01:46:52

    Salam men 15 oldu ayridim usaqlarimin arasından hal hazirda iki aydi bisanmisam usaqlar atalarını 10 den Cox dükü gormurler boşanma tek terefli olub çünkü tapilmadi ki bosanaq bu güne qer 9 il turmede olub sorada xeber almamisiq ondan sadece bilmek isderdimki men usaqlari ata adindan soyadindan cixara bileremmi

    Atalarının atalıq hüququndan məhrum edilməsi ilə bağlı iddia qaldıra bilərsiniz. Vəkil Qulam İsmayılzadə
  • Rena Memmedova 2024-05-03 22:43:34

    Salam 2021 də boşanmişiq gedib Rusiyaya alimentdə ödəmir mən iddia, qaldirsam yenidən onu ordan deport edərlərmi? Yəni mümkündürmü Azərbaycanda olmadan aliment tələb etmək

Şərh yaz