Boşanma prosesi ər və arvad arasında bağlanan nikahın məhkəmə qaydasında pozulması prosesidir.
Ər-arvad münasibətlərinin hüquqi tənzimlənməsi Azərbaycan hüquq sisteminin qarşısında duran ən mürəkkəb məsələlərindən biridir. Bu onunla bağlıdır ki, nikahın qeydə alınması ilə ər və arvadın bir-biriləri qarşısında əlaqəli hüquq və vəzifələri yaranır. Misal üçün: birgə əmlak hüququ, valdeynlik hüququ və s.
Bəzi hüquq və vəzifələr isə boşanma prosesi başa çatdıqdan sonra da davam edir (birgə nikahdan olan uşaqı saxlamaq vəzifəsi, uşaqla ünsiyyət hüququ).
Qanunvericiliyə əsasən nikah pozulmasının 2 qaydası var:
Azərbaycan Respublikasının Ailə Məcəlləsinə əsasən ər-arvadın yetkinlik yaşına çatmayan ümumi uşaqları olmadıqda nikaha onların razılığı əsasında müvafiq icra hakimiyyəti orqanında (burda Azərbaycan Respublikasını Ədliyyə Nazirliyinin nəzdində olan Qeydiyyat Şöbələri nəzərdə tutulur) xitam verilə bilər.
Bu halda tərəflərin hər ikisi ərizə ilə ya nikah bağlanan qeydiyyat şöbəsinə (məs: ASAN 3) ya da ki, onların birinin qeydiyyatda olduğu ünvan üzrə qeydiyyat şöbəsinə müraciət edə bilərlər.
Nikahın pozulması zamanı nikahın bağlanması kimi hər iki şəxsin şəxsən iştirak etməsi tələb edilir.
Boşanma prosesi uşaq varsa və ya ər (arvad) nikahın pozulmasına razı deyilsə və yaxud tərəflərdən biri Qeydiyyat Şöbəsində nikahın pozulmasından yayınırsa, məhkəmə qaydasında həyata keçirilir və nikah məhkəmə tərəfindən pozulur.
Boşanma prosesi ər və arvad arasında bağlanan nikahın məhkəmə qaydasında pozulması prosesidir. Boşanma prosesi həm ər, həm də arvad tərəfindən məhkəməyə boşanma ərizəsi verildikdə başlayır.
Qanunvericiliyə edilmiş yeni dəyişikliyə əsasən, nikahın pozulmasını istəyən şəxs məhkəməyə boşanma ərizəsi verməzdən əvvəl ərizə ilə Mediasiya təşkilatına müraciət etməlidir.
Mediasiya Şurası tərəfindən təyin edimiş mediator tərəfləri barışdıra bilmədiyi təqdirdə isə tərəf məhkəməyə müraciət etməlidir.
Boşanma prosesində nikahın pozulması ilə yanaşı məhkəmə növbəti məsələlərə baxır:
Boşanma ərizəsi yazılanda ərizədə boşanmanın səbəbi göstərilməlidir. Bundan başqa, boşanma ərizəsində tərəf boşanmadan sonra uşağın kimin yanında qalmasını və aliment məbləğini qeyd etməlidir. Sonuncu iki tələb qeyd edilmədiyi təqdirdə məslə hakimin mülahizəsinə əsasən həll edilir. 2024 minimum aliment məbləği bir uşağa görə 235 manat müəyyən edilmişdir.
Qeydiyyat Şöbəsində nikah tərəflər ərizə verdikdən 30 gün sonra pozulur.
Məhkəmə qaydasında boşanma prosessi 2 aydan 5 aya qədər çəkə bilər. Tərəflər boşanmaqa razı olduqları və digər məsələlərlə bağlı bir fikir ayrılığı olmayanda məhkəmə adətən 1 hazırlıq iclası və 1 baxış iclası təyin edərək yekun qərar çıxardır.
Tərəflərdən biri nikahın pozulmasına razı olmadığı təqdirdə isə məhkəmə ər və arvada 3 ayadək müddətdə barışıq üçün vaxt verə bilər.
Xaricdə nikah bağlamış Azərbaycan Respublikasının vətəndaşları Azərbaycanda boşana bilər. Belə ki, Azərbaycan Respublikasının Ailə Məcəlləsinin 150.2-ci maddəsinə əsasən Azərbaycan Respublikasından kənarda yaşayan Azərbaycan Respublikası vətəndaşı Azərbaycan Respublikasından kənarda yaşayan əri (arvadı) ilə bağladığı nikahı onun vətəndaşlığından asılı olmayaraq Azərbaycan Respublikasının məhkəmələrində poza bilər.
Nikaha daxil olmazdan əvvəl tərəflərin Nikah müqaviləsinin bağlaması boşanma və əmlak bölgüsünün daha rahat keçməsinə zəmin yaradır.
Nikah müqaviləsi xüsusən də böyük sərvətlərə sahib olan ailələr üçün vacib əhəmiyyət kəsb edir. Belə hallarda ortaq biznes, bank depozitləri, qiymətli kağızlar, nəqliyyat və nikah zamanı əldə edilmiş digər əmlak ər-arvad arasında ədalətli şəkildə bölünməlidir.
Əgər ərlə arvad nikaha daxil olarkən və ya ondan sonra nikah müqaviləsi bağlamayıblarsa, onda nikahdan sonra onlar tərəfindən əldə edilən əmlak onların ümumi birgə mülkiyyəti sayılır
Sonda onu qeyd edim ki, boşanma zamanı prosesin çətinliyi ər və arvadın hansı qaydada ümumi birgə əmlakı bölmək və uşağın saxlanılmaında iştirak etmək niyyətlərindən asılıdır. Çox təəssüf ki, əksər hallarda ər-arvadın hər biri öz əmlak iddialarını daha çox emosiyalara əsaslanaraq, hüquqi tənzimləmələri bilmədən özünəməxsus şəkildə qiymətləndirir. Buna baxmayaraq, bütün məsələlər tərəflərin maraqlarına xələl gətirmədən ciddi şəkildə qanun çərçivəsində həll oluna bilər və həll edilməlidir.
Peşəkar vəkil boşanma prosesi zamanı tərəfin hüququnun düzgün formada qorunmasına zəmanət verir. Hüquqşunas tərəfindən yazılan boşanma ərizəsi işin təməldən düzgün aparılmasına zəmin yaradır. Bu səbəbdən boşanma prosesinə başlamazdan əvvəl bununla bağlı vəkil məskəhəti almağınız tövsiyə edilir.
.
#boşanma ərizəsi # boşanma prosesi # uşaq varsa boşanma prosesi # boşanma # bosanma erizesi # bosanma # bosanma zamani qadin huquqlari # məhkəmə yolu ilə boşanma
Şərhlər
Əfsər 2026-10-05 00:40:12
Rəsmi maaşım 620 manatdır. Adıma şəxsi kreditlərim də var. İki uşağım var: biri 4 yaşındadır, digəri isə 1 yaşını yeni tamamlayıb. Mən nə qədər aliment ödəməli olacağam?
Ayxan 2026-10-02 23:45:22
Salam. Mən 10 ildir evliyəm və iki övladım var. Övladlarımdan birinin 6, digərinin isə 1 yaşı tamam olub. Həyat yoldaşımla artıq yola gedə bilmirik və bu vəziyyət uşaqlara da mənfi təsir edir. Mən həyat yoldaşımdan boşanmaq istəyirəm, lakin o, boşanmağa razı deyil. Həyat yoldaşımın razılığı olmadan boşanmaq üçün məhkəməyə müraciət edə bilərəmmi?
İlhamə 2026-09-27 18:10:34
Salam. Mən rayon qeydiyyatındayam. Qarşı tərəf Bakı qeydiyyatında. Asan xidmətə gəlmir boşanmaq üçün. Uşaq yoxdur. Mən boşanmaq üçün hara müraciət etməliyəm?
Murad Qazıyev 2026-09-27 17:38:04
Salam boşandıqdan sonra ər evli olan vaxtı kredit götürüb indi şikayət edirki kreditin yarsın xanım ödəməlidir bu düzgün bir şeydir? Krediti götürüb özünə maşın alıb sonra satıb qalanında özünə xercleyib indi kreditin yarsın xanım odemelidir yoxsa elə bir wey yoxdu çünki alimentde verilmir və xanım heç bir yerdə işləmir və uwaqada özü baxır bu şərtlər əsasında kreditin yarsın ödəməlidir zehmet olmasa cavablandirarsiz
Leyla Alizade 2026-09-14 21:06:30
Salam bosanma ucun erize vermisem ay sonu 1 ci mehkeme olacaq ve bosanma muddetine qeder yoldasimla eyni evde yasayiram eyni isgenceleri edir psixologiyasi yerinde deyil bosanmaqda istemir sualim hansi halda mehkeme prosesini 3 ay uzatmadan daha tez bitirmek, bosanmani tezlesdirmek olar?
Azadə hüseynova 2026-09-09 13:58:33
Salam mən boşanma ərzəsi vermek isteyirem yoldaşım mənə qalmadığı söyüşleri mene deyirdi ve menim 1 qız uşağım var onun terhiyesine mane olur men uşağımın geleceyi ücün pul yığıram menim bütün pulumu götürür qızımda artıq yorulur uşağimin geleceyine mane olur
Rzayevaa 2026-09-07 04:23:43
Əvvəl Salam mən 9 ildi ayleliyləm 2 oğlum var və boşanmag qərarına gəldim iki uşağı evden götürüb çıxmışam və məni uşağı ogurlamisan kimi islaham edilər üstümə ogurlug atılır hetdda mən nə edim necə edim öz şəxsiyyətim daxil usaglarin sənədləri hamı qalıb evde çıxmışam necə boşanma ərizəssi verə bilərəm ?
Bebiwov Aynur 2026-09-05 11:19:28
Salam men bowanma ərizəsi vermək istəyirəm. Səbəb olaraq ailə içi şiddet, zorakılıq, təhqir, alçaltma və s var. Amma sübutum yoxdu. Bu təsdiqləməyə. Bu halda necə olacaq?. Və mənim nigah Şəhadətnamə həmin wexsdedi mənə vermir. Nigah şəhadətnaməsi olmadan bowanma verə bilərəmmi? 2 övladım var 8ve 7 yawinda onlar kimdə qalacaq? Mende qalmasını istəyirəm. Həmin şəxs məsələni uzadır. Razılaşma vermiyeveyini söyləyir
Lale 2026-08-14 13:09:17
salam. Mən özüm iddia ərizəsi hazırlayıb digər sənədlərlə birgə məhkəməyə təqdim etmişəm.2 sualım var. 1) mediasiyada aliment məbləği və uşağın kimdə qalması barədə razılıq olub, barışıq sazişi imzalanıb. mən iddia ərizəsində yenidən alimentlə bağlı heç nə yazmadım, çünki deyildi ki, bütün bunlar artıq mediasiyada həll edilib. hakim ancaq nikahın pozulmasını təmin edə bilərmi? çünki son olaraq müraciətdə o istək yazılmamışdı.2ci sualım isə mediasiyadakılar mənə deyir ki sizə düz deməyiblər məhkəmədə, siz iddia ərizisi həm də e-məhkəməyə yükləməlisiniz. amma məhkəmə sənəd qəbulunda mənə nəsə demədilər və sənədlər qəbul etdilər. mən yenə də iddia ərizəsini yükləməliyəm sayta? öncədən təşəkkür edirəm
Gulzar Iskenderova 2026-06-23 14:10:46
Salam. Men rayon qeydiyyatiyam qarsi terede rayon qeydiyyatidi ferqli rayonlardi . Bakida bosanmag mumkundur ? Usag yoxdur. Qarsi teref asan xidmete gelmedi olkeni terk edib . Mene komeklik ede bilersiz?
Şərh yaz